My site

Хүн ер нь анхны харцаараа дурладаг болов уу? Сайхан залуу, сэтгэл татам гоо үзэсгэлэнг хараад хүнд ямар бодол төрөх бол.
Орой ажлаа тараад явж байхад чинь хаа нэгтээгээс таныг хэн нэгэн хайрын харцаар ширтэж үлгэр домгийн гэмээр гүн бодолд автан суугаач байж магадгүй. Та өөрөө ч зөрж өнгөрөх сайхан бүхэнд хариу нэхээгүй хайрын харцаа өгөөд харьж байгаа ч юм билүү. Хэтэрхий романтик юм шиг боловч амьдрал дээр өдөр болгон шахуу давтагддаг энэ зүйлийн талаар францын хэсэг уран бүтээлчид нэгэн богино хэмжээний кино бүтээжээ. Найруулагч Arev Manoukian-ны бүтээсэн "Nuit Blanche" буюу "Гэгээн үдэш" хэмээх тус кино 2009 онд шинээр гарсан богино хэмжээний кинон дотроо хамгийн өндөр байр суурийг дэлгэцнээ гарсан цагаасаа л хойш л эзлэж байгаа (2009 оны сүүлчээр гарсан). Тус кино өнгөрсөн 1 сарын 29-нд Канадын Торонто хотноо болсон "LG Life's Good FilmFest" кино бүтээгчдийн наадмаас тэргүүн байрын шагнал хүртсэн бөгөөд 100000 доллараар шагнуулсан билээ. Ингээд нэгэн сайхан хайрын тухай киног сонирхцгооё. Дашрамд дурдахад киног бүтээгчид төдийлөн олны танил биш бөгөөд харин киноны хөгжмийг бичсэн хөгжмийн зохиолч Samuel Bisson нь хойд америкт алдартай хөгжмийн зохиолч, гоцлол морин хийлч юм байна.

Киногоо үзээд дууссан бол яагаад 100000 долларын шагналын эзэн болсон бэ? гэдэгт болон киноны ерөнхий утгад та өөрөө нэг хариу олсон байх. Тэгвэл одоо энэхүү киног хэрхэн бүтээсэн талаар сонирхоод үзээрэй. Киног камер бариад хийх биш харин дижитал ертөнцөд гайхалтайгаар бүтээдэг болжээ. 1950-аад оны европын жирийн нэг гудамжийг хэрхэн бүтээж байгаа талаар та заавал сонирхоорой. Үнэхээр гайхалтай.